Please mujhe maaf kardo !

Please mujhe maaf kardo

Dedh saal pehle , june me hum mile the,
Tumhe dekh kar aisa laga tha jaise garmi me jaare ke fool khile the,
Khubsurati aise ki dekhkar aankho ne bhi angraiyaan bhare the..
Mujhe laga tha shayad mere naseeb ko tum apne maujudgi se tarr kardo ,
Par aaj keh raha hu please mujhe maaf kardo !

Dheere dheere samay beet-ta gaya,
Mai bhi apne armaano ko apne andar rokta raha..
Mahine beete , saal beeta ,har din mai tujhe dekhta aur tujhme jeeta gaya..

Ab waqt aa gaya tha jab tumhe mere maasoom se ishare samjh aa rahe the ,
Mai kya kehna chah raha tha , meri aankhe tumhe bata rahe the..
Tu bhi bari maasoomiyat se mujhe dekh rahi thi , ye bhi bakiyo jaisa majnu hai shayad aisa soch rahi thi..

Mujhe ab ruk jana chahiye tha , 
par nahi ruka is umeed me ki shayad tum haan kardo...
Par suno na aaj keh raha hu , please mujhe maaf kardo!

Samay badh  raha tha , 
aur ab humari baate bhi badh rahi thi ,
Tum shayad as a friend mante thi , 
Par un baato se meri jununiyat chadh rahi thi..

Wo din aa gaya tha ,
Mujhe tumhare pyaar ke bare me maloom ho chuka tha,
Us din bahoot roya tha ye dil ,
Shayad karishme se viswaas mai kho chuka tha.

Fir bhi pata ni kyu , baate mai kar raha tha,
Mujhe tumhara saath mil jaega , aisa sochkar khudse hi larr raha tha..

Us din ke baad har din takleef hoti thi , 
Tu bhi jhallepan me mere saamne uske aur apne saare raaz kholti thi..
Ruh ab cheekh cheekh kar kehti the , jaao jaakar sab boldo,
Mai nahi gaya , Please please mujhe maaf kardo !

Mere kaaran , shayad mere duaao ke karan ab tum dono me duriyaan aane lage thi...,
Mai waisa to nahi hu par ye dekhkar mann me khussi samane lagi thi..

Ab meri tarah tum bhi pareshaan hone lagi thi,
Apne pyaar se dur , tum bhi kabhi kabhi rone lagi thi..
Ye dekhkar bahoot dard hota tha , ye sab mere wajah se hai,
aisa sochkar dil ko khudse nafrat hone lagi thi...

Ab samjh aa raha tha ki mere jununiyaat tumhe takleef pohcha rahi thi,
Mujhe jaana hi hoga , aisi aawaj andar se aa rahi thi..

Jaane ke baad sab kuch thik ho jaega,
tum usme aur wo tumme wapis khojaega...
Agar kabhi lage ki wo sahi ni tha to rona mat,
Saccha pyaar karne wala koi jinda hai ,sochkar umeed khona mat..

Abhi bhi har din duaa krunga khuda se tujhe paane ka nahi , par kahunga uske jakham bhardo..,
Agar ho sake to Please mujhe maaf kardo !

Billi                                                                            
                                                                                                                                                      -imdevanshukumar